سلفتي حطتلي إزاز متكسر في الأكل بتاع عيد ميلاد بنتي… وأنا اللي كنت عاملة العيد ده عشان أفرحها وأصالحها !!! بقالي 9 سنين متجوزة في بيت عيلة كبير. 9 سنين وأنا الخدامة والطباخة والمدرسة والدادة. حماتي من ساعة ما جوزي اتجوزني وهي بتقولي “إنتي بنتي اللي مجبتهاش” وسلمتني كل حاجة. مفاتيح المطبخ، فلوس البيت، حتى مفاتيح الشقق الفاضية. الدنيا كانت ماشية… لحد ما سلفي اتجوز من سنتين. من يوم ما دخلت البيت وهي عينها في المفاتيح اللي في إيدي.
“اشمعنى هي اللي بتشتري؟ اشمعنى هي اللي بتطبخ؟ اشمعنى حماتك بتحبها أكتر؟” كلام وتلقيح 24 ساعة. وأنا كنت بسكت عشان خاطر العشرة وعشان البيت ميتخربش. لحد ما جه عيد ميلاد بنتي الصغيرة “ملك”. كملت 6 سنين. قولت أعملها حفلة كبيرة في البيت كله ولم العيلة كلها وأصالح سلفتي بالمرة. من الفجر وأنا في المطبخ. جبت جاتوه وتورتة 3 أدوار وعملت مكرونة بشاميل، وكفتة، وسلطة، وعصاير. حماتي كانت قاعدة معايا وبتقولي “ربنا يخليكي لينا يا بنتي، إنتي اللي منورة البيت ده”.
خلصت كل حاجة الساعة 5 العصر. رصيت السفرة كلها وغطيت الأكل عشان ميتعرضش للتراب، وقولتلها “تعالي يا أمي نطلع نلبس ملك ونيجي”. طلعنا فوق… وسبنا المطبخ فاضي 10 دقايق بس. هي كانت مستنية اللحظة دي. دخلت المطبخ وجابت طبق إزاز كبير وكسرته حت صغيرة خالص… ورشيته على المكرونة البشاميل، وعلى الكفتة، وحتى في العصير! وبعدها طلعت تتمشى في الصالة كأنها معملتش حاجة، مستنية الكارثة تحصل عشان تقول “شوفتي أكلها عامل ازاي”. الساعة 6 الضيوف وصلوا. أهلي وأهل جوزي والعيال.
البيت كله نور وزغاريط. ملك كانت لابسة فستان أبيض وطايرة من الفرحة. بدأنا ناكل… وأول واحدة مدت إيدها كانت بنتي “ملك”. مسكت الشوكة ولسه هتاخد من البشاميل… وفجأة !!! سلفتي صرخت صرخة قطعت القلب: “استنوو” وجريت زي المجنونة على السفرة وزقت إيد بنتي ووقعت الطبق كله على الأرض! الكل اتجمد. جوزي قالها “في ايه يا مجنونة؟” لقيتها بتعيط وبتصوت وبتقول “الأكل مسموم… الأكل فيه إزاز أنا اللي حطيته!” سكتنا كلنا… والبيت كله بقى ضلمة. اللي عملته بعدها محدش في البيت توقعه…
مسكت طبق الإزاز اللي هي كسرته بإيدي، وبدأت آكله قدامهم كلهم وأنا بعيط وبقول… “طالما شاكة فيا كدة… يبقى أنا أول واحدة هتدوق أكلها” حماتي أغمى عليها. وجوزي اتشل مكانه. وسلفتي وقعت على الأرض من الخوف وفضلت تقول “أنا آسفة أنا آسفة” عايزين تعرفوا إيه اللي حصل بعدها؟ وإزاي البيت كله اتقلب؟
